Haut war eigentlech e “gebrauchtenen Dag.” Näischt ass wirklech sou richteg gaangen. Do hat ech Decisioun geholl, well jo haut Bonfire Night war, vir d’éischt e Freedeféier kucken zegoen an dono an de Kino zegoen. Vun do kommen ech grad erem.

Ech war de “Machine Gun Preacher” kucken. Ech hat de Film vrun e puer Deeg/Wochen als Virfilm an Story, déi wirklech geschidd ass, huet mech (wat déi mannst dierft iwweraschen) direkt ugesprach gehaat. Aanescht wéi een lo vläit mengt geet de Film net ëm en Hollywood 08-15 Actionfilm, wou ee Kärel mat sénger Waff irgendeng US Staat vrun Ausserirdechen oder Roboteren beschützt.
Nee, de Film geet ëm d’Liewen vum Sam Childers. Hien ass e Biker, drogenofhängeg an huet a séngem Liewen villes gemaach ob dat hien — zu Recht — net wirklech stolz ass. Wéi hien aus dem Prisong erauskennt, muss en materliewen, dass d’Welt sech dobaussen verännert huet: séng Fra huet hiren Job gekennegt, well deen net méi an hirt néit gefonntenen chrëschtlechen Glaawen passt.

Et geschidd eppes, wat ech op dëser Platz net well verooden, wat den Sam Childers zum Emdenken bréngt. Dat féiert dozou dass hien fir e puer Deeg an den Uganda geet fir do zehellefen Héiser fir déi Leit opzebauen — eppes wat hien virdrun zu Pennsylvania gemaach huet.
Hien entscheed sech enges Dags Richtung Südsudan zefueren. Déi Entscheedung ännert säi Liewen an dat vu sénger Famill. De Sam Childers léiert d’Methoden vun der LRA (Lord’s Resistance Army) kennen. Déi terroristesch Organisatioun brengt einfach sou Leit em, messbraucht Fraen a Meedcher, mécht dës zu Prostituéierten Sexsklaven, verbrennen de Leit hir Héiser an, jo, heiandsdo och d’Leit selwer. D’Leit gi verstümmelt an d’Jongen ginn ganz oft zu Kannerzaldoten gemaach, a mussen dat maachen wat LRA Leit hinnen soen.

De Sam Childers decidéiert e Camp fir d’Kanner opzebauen. Praktesch alleguerten d’Suen déi séng Famill zu Pennsylvania huet, ginn an dee Project gestach. Et ass souwäit dass hien herno souguer de Kanner eng Spillplatz am Haff kann oprichten.

https://i2.wp.com/sass.caltech.edu/events/SamChilders.jpg
de Sam Childers (Source)

Dat ass déi “schéin” Säit vum Sam Childers, deen vum Gerard Butler phenomenal gespillt gett, huet och eng net sou schéin Säit. Dat ass den Machine Gun Deel aus dem Titel. Hien huet et saat nozekucken wéi d’LRA virgeet an decidéiert dat zemaachen, wat hien och an den USA schonns gemaach huet, séng Waff benotzen.

Hien geet domatter ob e ganz kriddelegen Wee, wéi eng Doktesch am Südsudan him seet. De Kony, de Leader vun der LRA, wier och am Ufank sou vun de Leit gefeiert ginn, wéi den Childers, deen “White Preacher” vun de Leit dohannen genannt gett. Hien misst oppassen…

Ween de Film kucke geet, wat ech jidderengem giff urooden, deem sierf gesoot, dass een déi “typesch” lëtzebuergesch (zënter dass ech an England liewen, stemmt dat net méi dat maachen d’Leit hei nämlech och!) Eegenschaft fir opzestoen soubaal e mengt de Film wier fäerdeg, soll si loosen. Et kommen nämlech nach privat Biller a Video’en vum Sam Childers.
An et soll een schonns guer net einfach sou erausgoen, well de Sam Childers ganz zum Schluss selwer e puer Wuert seet. Et muss een séng Philosophie net gudd fannen, dat muss een definitiv net, mä sou ass et de perfekte Schluss vun engem Film, deen een ferm un d’Nodenken bréngt.


(Den Trailer zum Film —— net fir kleng Kanner!)

——————————————————————————————————————————————————————————————————
Vrun e puer Wochen huet d’US Regierung ëm de President Obama décidéiert fir 100 Zaldoten an déi Regioun zeschecken, déi de Secherheetskräften an Zaldoten do sollen hellefen géint d’LRA virzegoen.
Ech war schockéiert, wéi ech déi vill Messagen gelies hunn, a Gespréicher gefouert hunn, wou Leit d’USA & den Obama dofir kritiséieren. Den Obama sollt säi Friddensnobelpräis erem ofginn, oder, d’USA well wuel nach méi Kontroll a nach méi Uelleg, gouf do méi wéi eng Kéier gesoot.

Dat dégoûtéiert een eigentlech. Vläit helleft de Film do alt e besschen de Leit zewéisen wat d’LRA mecht. Dobäi sierf gesoot, dass de Film, wéi de Produzent soot, net alles konnt weisen, well dat souguer fir Hollywood ze schlëmm wier.

D’Obama Regierung huet am Mee 2009 den “Lord’s Resistance Army Disarmament and Northern Uganda Recovery Act” unanime duerch den Senat an d’House of Representative bruecht. Vrun engem Joer huet den Obama de Kongress fir méi Suen gefroot fir d’Ziel aus dem “Act” z’erfellen.

Zënter 2005 gett et en internationalen Haftbefehl vum Internationalen Gerichtshaff géint de Joseph Kony a séng Leit vun der LRA.
2006 probéiert d’UN mat US-amerikanesch trainéierten Zaldoten aus Guatemala den Joseph Kony zefänken oder ëmzebréngen. 5 LRA Zaldoten stierwen, sou wéi allerguerten Zaldoten aus Guatemala.

http://yesicare.files.wordpress.com/2010/05/joseph-kony.jpg
de Joseph Kony, Chef vun der LRA (Source)

Wat huet d’EU bis elo gemaach, froot der? Si hunn 2009 d’LRA mendlech opgefuerdert dach w.e.g. e Friddensaccord z’ennerschréiwen. Ween lo nach behaapt d’EU giff sech ëm hiren Nooper Afrika kemmeren, soll an där Phantasie-Welt weider liewen. Ob LRA, Hongersnout an Ostafrika oder d’Ophuelen vun Flüchtlingen, d’EU mecht keng gudd Figur. (Stechwuert: Gaddafi un der Muecht haalen fir de Flüchtlingsstroum Richtung Europa, deen iwwert Benghazi/Libyen gefouert huet, z’ennerbannen)
Et kann een an e puer Stonnen Milliarden fannen fir Banken zeretten, fir Betrieber zeretten, fir Länner zeretten, deenen hire Fall een selwer giff berappen. Et kann een souguer mat engem “Hiewel”, wann aaner Länner da wellen matmaachen (wat momentan keen well, mol net d’Chinesen!), nach vill méi Milliarden Euro hunn fir dat zemaachen. Wann et ëm Menschenliewen geet, déi elo, während dir dat hei liest, ausgeläscht kenne ginn, kennt vu Bréissel éischter warm Loft.

Ech war, a sinn, jiddefalls frou dass d’US Regierung dee Choix gemaach huet fir géint déi rietsradikal a krank Ideologie vun der LRA an dem Joseph Kony virzegoen.

Jo, den Euro Problem ass grouss. Jo, d’Zäiten sinn net gudd. Mä musse mir fäerten dass eist Haus an der Nuecht attackéiert gett, dass et ugefaangen gett, dass mer stierwen, dass eis Kanner stierwen oder weg transportéiert ginn, eis Fraen a Meedecher alt vrun eisen Aan sexuell messbraucht ginn, dass mir oder een aus eiser Famill einfach sou vun enger friemer Persoun verstümmelt gett?!? Nee. A vun dohier ass eisen Problem, sou grouss wéi en och emmer ass, an eis Zäiten, sou schlëmm wéi se och sinn, absolut näischt am Verglach wat Leit op der aanerer Säit vun eisem Planet mussen matmaachen.

Vun dohier, froen ech mech, ob eis Politiker sech iwwerhapt nach kennen an de Spiegel kucken. Ech froe mech ob déi Leit, déi sou Meenungen iwwert den Asaatz vun den USA géint d’LRA an de Joseph Kony hunn, sech nach kennen an de Spiegel kucken. Wa jo, dann hoffen ech dass sie mer kennen soen wéi déi Persoun ausgesäit, déi näischt mécht, während aanerer musse leiden…


Chris Cornell säi Lidd “The Keeper” (et leeft während de Credits)

~~~~~~~~
UPDATE (6.11.2011 — 18:05 GMT): Laut dem däitschen Ambassadeur am Uganda, wier d’EU “prett” fir de Kampf géint d’LRA an hire Leader, Joseph Kony, opzehuelen. “This is not a forgotten conflict”, sot den Klaus Dieter Duxmann haut um Sonnden.
Mol kucken wéi séier d’EU da wirklech prett ass, fir de Leit do iwwer zehellefen.

UPDATE (6.03.2011 – 23:15 GMT): De läschten Update hei uewen driwwer stëmmt net wirklech. Kuerz no där Ausso, huet Berlin matgedeelt gehat, dass et sech ëm en “Iwwersetzungsfeeler” handelt. Et wier een wuel prett, mä net fir irgendwéi militäresch – oder ob soss eng Art & Weis – den Joseph Kony zestoppen. Et wier een bereed, sou Berlin, de Länner vläit mat Entwecklungshellef ze hellefen.
D’EU ass also net wirklech prett fir Leit zehellefen.

Posted by Tom

Een 20-something, dee sech gedanklech a physesch an der transatlantescher Welt ronderëm beweegt.

E Kommentar hannerloossen:

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s