RNC (2): Läschten Dag mam Trump senger Ried am Liveticker Reply

Et ass de läschten Dag vun der republikanescher Convention zu Cleveland (Ohio). Den Ofschloss mécht traditionell – zumindest dëst bleift och traditionell an der Trump Welt – de Kandidat héchstperséinlech. No enger Introductioun vu sengem Meedchen Ivanka wäert den Donald Trump (70) d’Nominatioun vu senger Partei fir d’Presidentschaftswahlen am November unhuelen a seng Vue vum Land presentéiren.

De Liveticker vun dësem läschten Dag gëtt et hei.

(Bild: cc Landscapes of England)

Commentaire: Een Trauerspill. Reply

Och wann haut ganz Fussballeuropa Richtung Frankräich kuckt, spillt den eigentlech wichtegsten europäesch Mätch sech e puer Kilometer méi westlech of. Et ass e schwaachen, jo zum Deel ferm knaschtege Mätch bis elo gewiecht, an dorunner si béid Säiten Schold. E Commentaire als Iwwerbléck vum Débat. More…

Teddy

12 Rieden (4): E President op der Sorbonne. E Mann an der Arena. Reply

Um 23. Abrëll 1910 gëtt de President Roosevelt – Teddy, net Franklin D. – eng vu senge villen historesche Rieden. Nee, et ass net déi wou hien am Wahlkampf fir eng méiglech 3. Amtsperiod als President no engem Attentat op hien – a mat der Kugel a senger Broscht –  seng geplangte Wahlkampfried vu 90(!) Minutten gehalen huet, an e säi berühmten Satz ‘It takes more than that to kill a bull moose’ gesoot huet. Nee, haut vrun 106 Joer stoung den Teddy Roosevelt net an den USA, mä an Europa vrum Riednerpult an huet eng ganz aner Ried ginn. 

Et wor deemols 1 Joer hir, dass den Teddy Roosevelt den Oval Office verlooss huet. Hien reest elo als Ex-President vun enger Natioun, déi u Wichtegkeet an der Weltpolitik zouhëlt, duerch Nordafrika an Europa: Kairo, Berlin, Oxford an eben och Paräis stinn um Programm. An der franséischer Haptstadt wor et eben haut vrun 106 Joer um genee 15 Auer op der Sorbonne esou wäit. De jéngsten US President an der Geschicht – hie gouf 1901 nom Attentat op de President McKinley am Alter vun 42 Joer President – sollt säi villäicht gréisstent Meeschterwierk virdroen. Am Publikum souzen nieft villen Éieregäscht och eng 900 Studenten a ronn 2,000 Leit, déi Tickets fir den Event kritt haten.

More…

Credo_Liberty_or_Death

12 Rieden (3): Gëff mer d’Fräiheet oder gëff mer den Doud Reply

Haut vrun 241 Joer – eppes iwwer 1 Joer vrun der amerikanescher Onofhängegkeet – huet de Patrick Henry eng vun de bekannteste Rieden pre-Onofhängegkeet ginn.

A senger Ried vrun der Virginia Convention huet den Affekot, deen herno den 1. an de 6. Governor vu Virginia sollt ginn, probéiert d’Delegéiert vun engem Onofhängegkeetskrich z’iwwerzeegen. A sengen Aen haten d’Kolonien keng aner Méiglechkeet méi; all aneren friddleche Versuch gouf vun der britescher Kroun ofgeleent. Et geet, laut dem Patrick Henry, ëm déi ganz einfach Fro ‘Fräiheet oder Sklaverei’ – eng Fro, déi d’Land nach lang an anere politeschen Dossieren sollt beschäftegen. 

Dës Ried gouf réischt 1815 fir d’éischte Kéier publizéiert. 2 Joer méi spéit kennt déi ganz Ried an där Versioun wéi mer se haut kennen an enger Biographie vum Henry vir. Et ass onkloer ob de Wuertlaut vun der Ried wierklech honnert prozenteg deen ass, deen den Henry vrun 241 Joer benotzt huet oder ob och Wierder vu sengem Biograf William Wirt an där publizéierter Versioun mat agefloss sinn.

More…

LBJ

12 Rieden (2): E bluddege Sonndeg an e Meeschterwierk Reply

Vrun 51 Joer gëtt de President Johnson wuel eng vun de wichtegsten Rieden an der Geschicht vun der amerikanescher Politik. No enger bluddeger Woch zu Selma, am US Staat Alabama, wou donkelhäiteg Amerikaner vun der Police attackéiert goufen wéi si hirt Recht op eng friddlech Demonstratioun fir e Wahlrecht wollten ausüben, wor de Bléck vun der ganzer Natioun op hire President geriicht. Dëse President wor Méint virdrun mat enge vun de gréisste Wahlvictoiren an der Geschicht am Amt bestätegt ginn. (Säi republikanesche Géigner Goldwater gouf deemols, wéi een Trump haut, iwwerengs vu KKK Leit ënnerstëtzt…)

More…