Oppenen Bréif

Et ass alt erem esou wäit. Déi katholesch Kierch féiert sech déi Jonk, well déi „alleguerten“ zesumme kommen a bieden. Dass dës Jonker net nemme bieden dat konnt een no den Weltjugendeeg zu Köln gesinn. Ewou an den Deeg deno, Doktoren op der Télé gesoot hun, dass sie méi Meedcher do setzen hätten ewéi soss. Mee bon, eigentlech well ech elo net iwwert déi Jonk hei schréiwen, mee vill méi waat an deenen läschen Deeg zu Sydney geschidd ass a waat (hoffentlech) nach geschidd.

Et gouf vrun e puer Deeg am australesche Parlament gestemmt. Dat schéngt direkt ganz normal zesinn, waar et awer net. Députéierten hun nämlesch doriwwer gestemmt, dass während den Weltjugendeeg d’Chrëschten net dierfe gestéiert ginn. Sie dierfen och a kenger Wéiss beléidegt ginn. Wann een Kondomer ausdeelt (waat jo eng Beléidegung ass), muss een de Portemonnaie nawell wäit opmaachen. An ewuel nemmen Gott d’australesch Regierung wëes, waat fir eng Stroof d’Homosexuellkoppelen elo kréien, falls sie par accident e puer Chrëschten sollen iwwert de Wee laafen. Wa schons T-Shirten mat Opschrëften, déi déi Glëweg kéinnten beleidegen, mat fermen Protokoller bezuelt ginn, well ech net d’Stroof fir déi Léit kennen, déi laut der katholescher Kierch eng schlemm Krankheet hun. (esou gett d’Homosexualität vun der katholescher, a jo och der lëtzebuergescher katholescher Kierch définéiert!)

Während sech an Australien elo divers Gruppe gebild hun à la „No To Pope“ gett am Rescht vun der Welt nemme beiläufeg driwwer bericht. Dass e puer Léit probéieren den Popst Benoît XVI wëllen verhafte loosen, gett ebenfalls vun den Massemedien ignoréiert. Ass dat iwwerhaapt méiglech? Jo. An Australien kann all Bierger een aaneren verhaften, wann dësen gesinn huet oder Indicen huet, dass deen aaneren géint d’Gesetz verstouss huet. An däer ginn et der ewuel méi ewéi genuch. Et kann een deene Léit nemmen „Bon courage“ wenschen an hoffen dass hinnen dëst gelénge wäert. D’Weltbevölkerung wär hinnen dankbar.

Zum Schluss villäicht nach jhust iwwert den „Ratze“ selwer. Deen huet haut an sengem Mega-Super-Groussen-Privatjet fir op Sydney ugekennegt, dass et beim Weltjugenddag och iwwert de Klimawandel geet. Super! Hien hätt sollten awer wuel am beschten mam gudde Beispill et fir maachen.
Ebenfalls wëll hien sech bei den Opferen vun sexuellem Mëssbrauch duerch Paschtéier, Beschhëff… entschellegen. E puer Gruppen vun deenen Opferen hunn e puer Stonne méi spéit ugekennegt, dass dës Entschellegung net giff duergoen an dass sie se wahrscheinlech och net unhuele wäerten. Verständlech well:
Am Joër 1962 huet den Vatikan en Geheimdokument erausginn. Et huet den Numm „Crimen sollicitationis“ (lat. „Das Verbechen der Anstiftung“) erausginn. Et gouf vun der „Sacra Congregatio Sancti Officii“ (Heilige Kongregation des Heiligen Offizium) erausginn.
Et enthällt Uwéissungen fir d’Bechheef, wéi déi mat Uschellegung vun sexuelle Messbrauch u Kanner vun Paschtoueren soll emgoen.
–> Dokument seet, dass wann den Bechhof esou eppes gewuer gett, dass alles muss geheim bléiwen an déi Geheimhaltung gett op d’Opfer selwer ausgedehnt. Bei der Netanhaalung vun dem Schweigen droot d’Exkommunizéierung!

Den Pater Tom Doyle soot an engem Interview mat der BBC, dass Dokument geschriwwe wier als „eine explizite schriftliche Richtlinie zur Vertuschung sexueller Übergriffe durch Priester, um diejenigen zu strafen, die Aufmerksamkeit auf diese Verbrechen der Kirchenmänner lenken wollten.“
A ween waar vun ‘81 un Chef vun dëser Kongegratioun? Hey, gudd geroden. Jo, den aktuelle Popst Benoît XVI.

Ofschléissend nach e puer Sprëch vum „Ratze“ an Links zu den T-Shirten, déi vru kuerzem zu ganz Sydney (aus Protest wéinst dem néie Gesetz) zegesi waaren:
„Above all, we must have great respect for these people who also suffer and who want to find their own way of correct living. On the other hand, to create a legal form of a kind of homosexual marriage, in reality, does not help these people.”

„Although the particular inclination of the homosexual person is not a sin, it is a more or less strong tendency ordered to an intrinsic moral evil, and thus the inclination itself must be seen as an objective disorder.”

Maulkuerf fir de Ratze T-Shirt
From Hitler Youth to World Youth T-Shirt
World Youth Day T-Shirt
WMD – WYD T-Shirt
WYD Rights T-Shirt
WYD Mouthing In T-Shirt

Nach méi T-Shirten ginn et hei.

[Dëst ass keng "Attack" géint d'Chrëschten, mee eischter als Onzefriddenheet géigeniwwer hieren Léit aus dem Vatikan, allem firop natiirlech dem Popst Benoît XVI, zeverstoen.]

Vrun eppes méi wéi enger Woch hun ech d’Emissioun „Background“ um RTL gelauschtert. Invité waar den DP-Députéierten Xavier Bettel, een Politiker deen ech ganz gudd fannen an dëst schons zenter enger längerer Zäitchen. Wuel och wëll den Häerr Bettel et emmer fäerdeg bréngt d’Saachen op de Punkt zebréngen a wëll en sech net gett bis dass en Thema komplett geléist gouf. Vill Politiker vun haut trauen sech dat guer net an denken éischter un déi nächst Wahlen… Fir mech war also kloër, dass ech d’Emissioun giff lauschteren. Waat zum Schluss vun der Emissioun gesoot gouf huet ewuel jiddereen spéistens duerch déi wöchentlech Satir matkritt. An eppes waat mech am meeschten gestéiert huet, waar de Faite waat d’Madame Octavie Modert (Staatssekretärin) zum Häerr Bettel an der Chamber gesoot huet. Als „Joffer“ gouf en vun hier tituléiert, eppes waat ech net akzeptéieren an och net vun enger Politikerin well héieren. Zumols net ewou d’Madame Modert sech jo scheinbar Hoffnungen op e Ministeschposten no 2009 mécht (Rumeur). Esou eppes ass enttäuschent…

Vrun 6 Joër hun ech materliewt ewéi e Schüler vun aanere Schüler fäerdeg gemaach gouf an et waar no drun un enger Klepperei. Den ugeschwaatenen Schüler haat eng aaner Relioun an dat gouf vun deenen aaneren net richteg akzeptéiert. Zum Glëck ass dunn e Proff laanscht komm, deem ech et direkt konnt soen, waat sech e puer Meter wéider am Schoulhaaf ofspillt. Et gouf gestoppt. Fir de Moment.
Vrun engem Joër gett e Meedchen an engem aaneren Lycée wéinst senger Relioun vun den „Klassekomeroden“ gemobbt. Ech kréien déi Geschicht e puer Méint méi spéit iwwert en Dretten erzielt a sinn alt erem vun engem Deel vun der Menschheet, deen esou Saachen mécht, alt erem enttäuscht.

Vru kuerzem ass eng néi Etude erauskomm. 15,4% vun den Däitschen glëwen dass een „Führer“ am beschten „zum Wohle aller“ geduercht wär. An iwwerhaapt sinn 39,1% vun eisen Nooperen der Meenung dass hiert Land „in einem gefährlichen Mass überfremdet“ wier. Villen Experten no bewegt sech eist Noopeschtland domatter erem op engem „gudde“ Wee d’Geschicht aus den 30er a 40er ze widderhuelen. Mee net nemmen an Däitschland, mee och an aaneren Länner steigt d’Unzuel vun dësen Léit.

Vru genee enger Woch komm eng aaner Etude eraus. All 4. Meedchen gett haut sexuell messbraucht, 15% vun den Jongen ginn sexuell messbraucht. Nemmen 10% vun den Fäll ewou ee Mensch wéinst sexuellem Messbrauch un engem Kand ugewissen ginn ass, sinn bis ewell och vrun d’Gericht komm. Vun deenen 10% sinn nemmen 10%(!) fir schelleg gesprach ginn. A vun deenen 10% sinn 90% mat enger Surcis- oder Geldstroff dovu komm. Wann ee bedenkt, dass den Taux vun de Léit, déi erem „krank“ goufen an nach enger Kéier esou eppes Schlemmes gemaach hun, esou héicht ass ewéi bei kengem aaneren Verbriechen…

Vrun baal 2 Joër (21. September 2006) huet d’UNO ausgerechent gehaat, dass den „Konflikt“ am Darfur giff 400,000 Menschen d’Liewe kaschten. Vrun net grad 3 Méint (22. Abrëll 2008 ) koum dunn sangundklanglos d’Nouvelle vun der UNO dass een dat ganz e besschen ennerschaat gehaat hätt – em „nemmen“ 50%. An de „Konflikt“ ass nach emmer net eriwwer.

Dee ganzen Text hei soll eigentlech nemmen wéissen, dass mer ewuel och nach gréisser Problemer ewéi déi vum heichen Benzin momentan hun. Ech verstinn, dass dat dat ass waat den Europäer am meeschten am Schung dreckt, mee mir hun och nach selwer grouss Problemer an éisem Haus an éis Nooperen, deene mer grouss Hellef versprach haaten, waarden drop dass mer se endlech anhaalen.
Mir liewen zesummen op dëser Welt. Mir sinn net „de Chrëscht“, „de Jude“, „de Moslem“, „den Däitschen“, „de Belsch“, „de Portugies“, „de Schwarzen“, „de Weissen“, „de Schwulen“, „d’Lesp“,…
Mir sinn alleguerten Bierger vun dëser Welt.
Loost eis dach eis Famill erem zesumme bréngen. Loost eis dach zesummen éis Schwësteren a Bridder schützen.

Zum Schluss hoffen ech dass der die folgend Ried vum léider vill zefräi verstuerwenen Sen. Robert „Bobby“ Kennedy lauschtert. Se gouf vun him sëlwer geschriwwen an um Doudesdag vum Martin Luther King zu Indianapolis firgedroen. Et geet an däer Ried net em d’USA mee eigentlech iwwert „most of all human beings“. Et trëfft op all Generatioun zou.

* Links:
- Rechtsextremismus-Studie
- Darfur „Konflikt“
- Missbraucht- Gemeinsam gegen Kindesmissbrauch!

[Ech wëll menge Lieser jhust matdeelen, dass bei dësem Post ganz stark op d'Kommentarer opgepasst gett. All Kommentar deen eng Feindlechkeet zu dësem Thema dran huet, gett net veröffentlecht resp. direkt erem geläscht. Genee ewéi d'IP vun dem Lieser gespaart wäert ginn. Demno wéi eng Grausamkeet de Kommentar enthällt haalen ech mer d'Recht op wéider Schrëtter fir. Esou eppes dulden ech net a mengem Liewen an och net a mengem Blog.]